Katxupa fete na manera de Maria do Monte

tempe de praparasãu 03:30 h

PALPORES: (pa 4 pesoa)
- ½ l de midje branku o marel kutxide;
- 200 g de bejom pedra transode ma faba ingleza y arvilha;
- 1 sabola kortode em padasinhe;
- 2 grãu d’adje;
- 4 fodja-de-lor ( pa dâ saibe);
- kar ( de porke o de baka → xuris, kostela de porke, pé de porke ma língua de baka);
- batata dose ma batata ingleza;
- mandioka;
- banana berde;
- sal, pimenta, sume de galinha, malageta, vinagre, klarau (pa dâ kor);

Intxê um panela grande (4 o 5 lite) d’água y pô-l na lume. Oke água kumesâ ta ferbê podê p’tâ midje, faba transode ma bejom pedra y arvilha, metade de sabola kortode em padós, dós grãu d’adje, fodja-de-lor ma pé de porke. Kuzinhonde, s’água sekâ na panela e so tornâ p’tâ mas.

Enkuante midje ma ligumes ta ta kuzinhâ, kortâ kar em padós ( kostela de porke, xurís y tude u-ke tem) y pô-l ta rafogâ num frinjidera largu y boxe, junte ma reste de sabola ke spejâ, um o dós grãu d’adje, alguns kedjerada de vinagre, sal, pimenta y um kezinha de klarau pa dâ kor. D’txâ kuzinhâ devagarinhe sem tapâ panela pa tude tempe k’e mistide.

Antes de midje ma bejom kabâ de kuzinhâ juntâ ma es mandioka kortode em padós, banana berde, batata, tude es tamé em padós ma kar rafogode ta kuzinhâ.
Oke katxupa prontâ sirbí-l kente na prote funde. Bom aptite!

Traduzide pa Hipólito Daniel Soares